EMPARI 5
Ephula ya mirupi taani yamwiiwelenle Muluku?
Ehuhu ya Nowa atthu antxipale yannapaka itthu soonanara. Ephattuwelo 6:5
Adamu ni Heva yakhalano anamwane, mene atthu yahattha mulaponi. Malaika makina yapwexererana ni satana ekhuruwela mulaponi.
Awo yaahiitatuxa ekhala atthu yaathela athiyana. Nave-tho yaahayara anamwane yaari akuru ni oowali.
Elapo yasareya n’atthu yaapaka itthu soonanara. Biblya onhima weera “oowali wa atthu ale waahatha mulaponi nave-tho atthu antxipale yupuwela itthu soonanara”.
Nowa aamwiiwelela Muluku ni apaka nikula. Ephattuwelo 6:13, 14, 18, 19, 22
Nowa ari mutthu owiiwelela. Yehova amulela weera, aarowa owiiva atthu oonanara murima ni epula ya mirupi.
Muluku aamulela tho Nowa weera, apake nikula ntokotoko weera aahelemo emusawe ni inama sohiyana-hiyana.
Naari Nowa alalera atthu weera yamurupa epula etokotoko, nto atthu ale kiyamwiwelenle. Akina tho yamwera omutheya ni omwiittha.
Ehuhu Nowa aamalinhawe nikula, ahaakukhulelamo axinama.
