Adão duré Eva ma tiꞌra dzahuré duré Tiꞌai ãma hã ma tô taꞌahö ni. Niꞌwam norĩ dawatsuꞌuꞌwa norĩ ma tsiꞌubumro Satanás tsiré Jeová dzada duré ma we tsiꞌra dzaꞌra Tiꞌai u.

Ta norĩ hã, ma tsiꞌmanharĩ dzaꞌra aibö na, piꞌõ norĩ na natsi mro dzaꞌra da. Piꞌõ norĩ hã, ma tiꞌra dzaꞌra. Ĩꞌra dzaꞌra norĩ hã ĩꞌraĩhö, ĩtsiptete uptabi duré ĩwatsété uptabi dzaꞌra.

Tiꞌai ãma hã, ma tô taꞌahö ni dawatsété norĩ na. Bíblia te tinha ‘aibö watsédé hã ĩtsaꞌẽtẽ na duré ĩtsimirotsaꞌrada ĩwatséte na tsi ĩtsiri dzama bötö bö.’

Noé aibö ĩwẽ. Jeová te tãma tinha: ‘Wa dza daꞌuprotsi dawatsété norĩ hã tã piniwawẽ na.’

Höimanaꞌuꞌö te duré tãma tinha: ‘ꞌManharĩ ubaꞌre wawẽ arca na ĩtsitsi hã.’ Noé ĩtsébré da tsi ĩwa tite família norĩ ré duré abadze mono bö norĩ ré.

Noé te te dama watsuꞌu nherẽ Tã piniwawẽ hã, da te wapari dzaꞌra õ di. Niꞌwam norĩ hã te ãma tito dzaꞌra, duré niꞌwam norĩ hã te ꞌruiwapari dzaꞌra.

Arca te te ꞌmanharĩ parimhã, Noé abadze norĩ ma madzatsi dzaꞌra ubaꞌre wawẽ u.