FIZARAN̈A 5
Azovy Nitandren̈y Zan̈ahary Talohany Safodrano? Azovy Tsy Nitandren̈y?
Tamy faha Noa, olo ratsy fan̈ahy. Genesisy 6:5
Adama sy Eva niteraka. Nahainaro olo tambony tany. Tsy elanizin̈y, nisy anjely maro nan̈araka jeriny Satana.
Iro nijotso taty, nanjary olo. Nanambady olo iro, nivadiky ronjany ndreky kafiry zanakandro lelahy.
Feno olo ratsy fan̈ahy tambony tany. Baiboly man̈ambara fa haratsiany jerinolo fa dila. Hadalan̈a fo an̈aty jerindro, matsan̈a alin̈y.
Noa niasa sambofiara, fotony izy nitandren̈y Zan̈ahary. Genesisy 6:13, 14, 18, 19, 22
Noa nitandren̈y Jehovah. Izy nivolan̈a fa olo ratsy fan̈ahy jiaby hofoaty amy safodrano.
Zan̈ahary nan̈iraka Noa niasa sambo maventy. Sambofiara an̈arany. Izy ndreky ry havany ndreky karazan̈a biby jiaby mila miditry ao.
Noa nivolan̈a taminolo fa hoavy Safodrano. Iro tsy nitandren̈y. Naro nankadala, naro koa tsy tia izy.
Koa fa vita sambo io, Noa nampiditry biby.
