TINI KI 5
Mu Khuka yi nlangu—Banani bawila Nzambi ee? Banani bamanga wa?
Mu tshungi Nowa, batu bawombo babesalanga mambi. Thonono 6:5
Adami ayi Eva babuta bana. Batu baba bawombo va mbata ntoto. Ku nima, banzelo bankaka batomboka ayi Satana.
Bayiza va ntoto, bavuata nitu zi batu muingi bakuela baketo. Bana bawu babuta baba batu bangolo ayi kikhesi.
Nza yiwala batu ba salanga mambu mambimbi. Bibila kilembu samuna ti batu beni baba batu bambimbi, babebanzanga vanga mambu mambimbi mu thangu zioso.
Nowa wuwila Nzambi. Wutunga nzaza yinene, banga kesa. Thonono 6:13, 14, 18, 19, 22
Nowa wuba vanganga mambu mamboti. Yehova wukamba ti ndieka bunga batu bambimbi mu khuka yi nlangu.
Nzambi wukamba Nowa katunga nzaza yinene, banga kesa yinene. Muawu, kafueti kotisa basi dikanda diandi ayi bibulu biphila muphila.
Nowa wubalubula ti khuka yi nlangu yi lembu yizi. Vayi batu bamanga kuawu wa. Bankaka babe kunsekininanga, bankaka banlenda.
Bo nzaza yimana tungu, Nowa wukotisa bibulu mu khati.
