亞當​同​夏娃​生兒育女，地上​嘅​人​就​越來越​多。後來，有啲​天使​跟隨​撒但​背叛​上帝。

佢哋​嚟​到​地上，改變​形態​成為​男人，同​人間​嘅​女人​結婚。佢哋​生​嘅​仔​都​係​巨人，力大無窮，兇惡​殘暴。

嗰陣時，地上​到處​都​有​壞人​壞事。聖經​話:“耶和華​見​人​喺​地上​作惡多端，心​入面​成​日​諗​嘅，都​係​惡事。”喺​挪亞​嘅​時代，大多數​人​都​做​壞事。

挪亞​係​個​好人。耶和華​話​俾​挪亞​知，佢​好​快​就​會​用​大洪水​消滅​壞人。

上帝​要​挪亞​造​一​隻​大船，叫​做“方舟”，仲​吩咐​挪亞​帶埋​屋企人​同​各​種​各​樣​嘅​動物​入​方舟。

挪亞​警告​人，大洪水​好​快​就​要​嚟​喇。但​啲​人​唔​聽，有啲​人​仲​取笑​佢，甚至​好​憎​佢​添。

造​好​方舟​之後，挪亞​就​將​動物​帶​入去。