OKPỌKỌ 6
Ire Keke Ke Eji Ekween̄ Melek Mun̄-Ile Usen Ke Nuwa?
Awaji ifiat ebi ikpak me inyan̄a Nuwa mè ebi ototun̄ ukan̄ kan̄. Ibebene 7:11, 12, 23
Akọp ikarek ini mè akọp eririeen̄ ini ke ibot orep mè ichit otutuuk inyọn̄ ijọn̄. Otutuuk ebi mkpikpak mikwaan̄.
Ebi osat-ikwaan̄ ebi ikpaka otu Awaji minwene inan̄a melek ebilene me ikana ebi ijo ekwukwu.
Ebi ikup me emen ikpele uji ya kpekwu. Ubọk geelek ibe ke Nuwa mè ebi ototun̄ ukan̄ kan̄ miyaka ikwu me mgburudun̄, Awaji mosa ema inu me ugwem inyi kè ekpọk eluk ugwem.
Awaji mokpọk ifiat ebi ijo mè inyan̄a ebi ata ife. Matiyu 24:37-39
Setan me ebi ijo ekwukwu ekpọikup inye ikifian̄ ebi ene.
Ibelek usen kè Nuwa, ikeya si me chereyi, ogbogbo ebi ene mijit ntọ-ubọk Jioba onyibe eji inan̄a melek ima. Sọntiik mgbọ, Jioba mofiat otutuuk ebi mkpikpak.—Pita Eyi Òso Iba 2:5, 6.
Ikaan̄ ebi ibelek Nuwa. Ema ekigban̄ utọn̄ melek Awaji me ikirọ inu itumube. Ema ire ebi Ata-Ikọ Jioba.
