6 YATICHÄWI
Uma Juiciotxa, ¿kuns yatiqsna?
Ñanqha jaqinakarux Diosax tukjänwa ukat Noé chacharusa familiaparusa qhispiyänwa (Génesis 7:11, 12, 23)
Jallux pusi tunka uruy arumaw walpun purintäna, Uraq chhaqtayañkama. Ukanwa jan wali jaqinakax jiwarapxäna.
Ukat jaqir tukupkän uka angelanakaxa, Supayampiw chikachasipxäna. Jichhax saxra sat sutimp uñtʼatäpxiwa.
Arca manqhankapkän jupanakakiw qhispipxäna. Qhipat Noé chachasa ukat familiapas jiwapchïnxa, Diosaw jupanakarux jaktayani, ukat wiñayaw jakapxarakini.
Jan wali jaqinakarux niyaw Diosax tukjani ukat aski jaqinakarusti qhispiyaniwa (Mateo 24:37-39)
Jehová Diosar jaqinakax jan istʼapxaspati ukwa Supayasa ukat saxranakapas munapxi.
Noé tiempon jaqinakax Diosan arunakap janiw istʼañ munapkänti, ukhamarakiw jichhürunxa jan istʼañ munapkiti. Jehová Diosax niyaw jan wali jaqinakarux tukjani (2 Pedro 2:5, 6).
Yaqhip jaqinakax Noé chachjamarakiw Diosar istʼapxi, jupanakax Jehová Diosan Qhanañchirinakapawa.
Akanakajj inas gustarakiristam
LIBRONAKAMPI FOLLETONAKAMPI
¿Khitis aka mundo apnaqaski?
Kuntï Bibliajj uka toqet siski uk yatisajj wal musparäta. Uk yatiñajj kunjamsa jichhürunsa ukat jutïrinsa yanaptʼätam uk yatjjattʼam.
