BƆNU 6
Mba nim yibu bakara sun sɔ̃ɔsimɔ?
Gusunɔ raa tɔn kɔ̃sobu kam koosia adama u Nɔwɛ ka win dusibu faaba kua. Torubu 7:11, 12, 23
Gura raa na sɔ̃ɔ sɔɔ 40 ka wɔ̃kuru 40, ma nim mu tem gira kpuro yibia. Tɔn kɔ̃sobu kpuro ba gu.
Maleeka tekobu ba raa ben tɔn wɛsi deri ma ba gɔsia wɛrɛkunu.
Be ba raa wãa kpakororu te sɔɔ ba faaba wa. Baa ye Nɔwɛ ka win dusibu ba raa na ba gu, Gusunɔ koo be wesiama wãaru sɔɔ, ba koo kpĩ ba n wãa sere ka baadomma.
Gusunɔ koo kpam tɔn kɔ̃sobu kam koosia kpa u tɔn geobu faaba ko. Mateu 24:37-39
Setam ka wɛrɛkunu ba tie ba tɔmbu nɔni wɔ̃kumɔ.
Gisɔ, nde Nɔwɛn tɔ̃ru sɔnu, tɔn dabinu ba Yehofan swaa kĩrugiru yina. N Tie fiiko, Yehofa koo tɔn kɔ̃sobu kpuro kam koosia.—2 Piɛɛ 2:5, 6.
Tɔn gaba sãa nde Nɔwɛ. Ba ra Gusunɔ swaa daki ma ba mɔ̀ ye u gerua; ba sãawa Yehofan Seeda Diobu.
