ICIPUTULWA 6
Finshi Tusambililako ku Lyeshi Likalamba?
Lesa aonawile abalecita ifyabipa lelo apuswishe Noa no lupwa lwakwe. Ukutendeka 7:11, 12, 23
Yalokele pa nshiku 40 akasuba no bushiku, kabili amenshi yakumene isonde lyonse. Bonse abalecita ifyabipa balifwile.
Bamalaika abapondweke bafuulile imibili yabo iya buntunse kabili basangwike ifibanda.
Abali fye mu cibwato e bapuswike. Nangu ca kuti Noa no lupwa lwakwe mu kuya kwa nshita basukile bafwa, Lesa akababuusha kabili bakesaikala umuyayaya.
Lesa na kabili akonaula abacita ifyabipa no kupususha abacita ifisuma. Mateo 24:37-39
Satana ne fibanda balikonkanyapo ukulufya abantu.
Pali lelo, nga filya fine cali mu nshiku sha kwa Noa, abengi balakaana ubutungulushi busuma ubwa kwa Yehova. Nomba line Yehova ali no konaula bonse abacita ifyabipa.—2 Petro 2:5, 6.
Abantu bamo baba kwati ni Noa. Balomfwila Lesa no kucita ifyo abeba; aba bantu ni Nte sha kwa Yehova.
Nalimo Kuti Mwatemwako ne fi
IFITABO NA MABROSHUWA
Kateka wa Calo Conse, Nani?
Ifyo Baibolo ya-asuka ici cipusho kuti fyamupapusha. Sambilileni pa busuma bwaba mu kwishiba uuteka cino calo.
