NYE’ELAN 6
Nkañete ya Ndône mendim wo ye’ele bia mam mevé?
Zambe a nga jaane bebo mam abé, ve a nga nyii Noé a nda bôte jé. Metata’a 7:11, 12, 23
Mveñ é nga noñ tañe môse 40 a melu 40. Ane mendim me nga yametane si se; mbia be bôte bese be mane wu.
Beéngele be nga bo Zambe éngana’a, be nga tyendé menyule map, a bo mbia minsisim.
Bôte be nga too arche été be nga nyiñ. Akusa bo Noé a nda bôte jé be nga su’ulane wu, Zambe a ye wômôlô be na be nyiñe nnôm éto.
Matthieu 24:37-39
Zambe a zu beta jaane mbia be bôt, a nyii mbamba be bôt.Satan a mbia minsisim ba ke ôsu a du’u bôt.
Aval ane éyoñe Noé, dene fe, bôte ba bene tôñe mbamba zene Yéhôva a liti be. Ana’ana, Yéhôva a ye mane jaane mbia be bôte bese.—2 Pierre 2:5, 6.
Bengaa be Yéhôva ba vu Noé. Ba wôk a bo mame Zambe a jô be.