PERAJ 6
¿Achkë nqatamaj chrij ri xbʼanatäj pa ruqʼij Noé?
Dios xchüp kiwäch ri winäq ri ma xkinmaj ta rutzij, ye kʼa xköl Noé chqä ru-familia (Génesis 7:11, 12, 23).
Ri jöbʼ 40 qʼij chqä 40 aqʼaʼ xuʼän. Le Ruwachʼulew xnuj chë yaʼ, y jontir ri itzel taq winäq xekäm.
Ri itzel taq ángeles xkipoʼ chik kiʼ chë espíritus chqä xeʼok rachiʼil Satanás. Ke riʼ taq ri ángeles riʼ xeʼok demonios.
Xa xuʼ xekolotäj qa ri winäq ri ye kʼo wä chpan ri arca. Tapeʼ Noé chqä ru-familia xekäm taq xeqʼax ri junaʼ, Dios xtyaʼ chik jmul kikʼaslemal chqä ma xkekäm ta chik.
Xa jbʼaʼ chik apü, Dios xtchüp kiwäch ri itzel taq winäq, ye kʼa xkeruköl ri ütz taq winäq (Mateo 24:37-39).
Satanás chqä ru-demonios kʼa najin na nkitäj kiqʼij rchë chë ri winäq ma nkikʼoxaj ta rutzij Jehová.
Achiʼel xbʼanatäj pa ruqʼij qa Noé, komä chqä ye kʼïy winäq ma nkajoʼ ta nkikʼoxaj ri utziläj taq naʼoj yeruyaʼ Jehová. Xa jbʼaʼ chik apü, Jehová xtchüp kiwäch ri itzel taq winäq (2 Pedro 2:5, 6).
Ye kʼa ye kʼo winäq achiʼel Noé, ri nkiʼän ri nukʼutuj Dios chkë. Ri winäq riʼ ya riʼ ri testigos de Jehová.
Rkʼë jbʼaʼ nawajoʼ natzʼët chqä reʼ
JALAJÖJ TAQ WUJ
¿Achkë komä najin nqʼatö tzij pa ruwiʼ le Ruwachʼulew?
Rkʼë jbʼaʼ kan xttel akʼuʼx chrij ri nuʼij le Biblia chrij riʼ. Tatamaj achkë utzil nukʼäm pä pan awiʼ komä chqä chqawäch apü.
