EPADDI 6
Mpulo Munddimuwa Onnisunziha Eni?
Mulugu ahatolotxa attu abure mbwenye ohnvuna Nowé vamodha na amudhaye. Wita 7:11, 12, 23
Muzogwe orubwile masiku 40 mutana na mattiyu, mpaka obwiniha elabo yotene ya vati. Attu otene abure ahikwa.
Angelo abale aasadduwile ahittiya maningo awa a omuttu venevo bakala adomonyo.
Abale ali mpangayani aviluwa. Podi wila Nowé na amudhaye akwa mudhidhi mwina, Mulugu onele wavenyihedha okalawo vina anele okalawovi na mukalakala.
Wili Mulugu onele watolotxa atabali otene, mbwenye onele wavuna attu a pama. Mateu 24:37-39
Satana vamodha na adomonyo anowapupurutxavi attu mpaka ovanene.
Ninga nsaka nttile na Nowé attu enjene ovanene anokoodda dila yokwela ya Yehova. Noona wili Yehova onele watolotxa atabali otene.
Attu enaguwa ankala ninga Nowé. Anonvuruwana Mulugu vina anokosa esile dhinfuniye. Aba ba Anamona a Yehova.
Enowodheya Weyo Vina Oziveliwana
MANIVURU NA MABROCHURA
Bani Txibarene onlamulela elabo?
Yowakula ya Bibilia enela wutikiniha. Kafanya muselu wa nakulona venevo onodha ononelamo enapadduwe musogorho.
