RUHA 6
Vinke tu ku shongerako kurukuruhandjo?
Karunga kwa djonawire po vantu vavadona, ngoli Nowa nalipata lyendi a va parwire. Genesis 7:11, 12, 23
Mvhura kwa rokire mwi namatiku 40, mema kwa fikire livhu nalintje. Vantu navantje vavadona kwa fire.
Vaengeli vavadona va shuvire marutu ghavo ghashintu makura ava kara mpepo dadidona.
Ovo va peramino muliwato va parukire. Mpiri ngoli Nowa nalipata lyendi muruku va ya fire, Karunga shimpe nga ka va vhumbura kuliparu lyanaruntje.
Karunga nga ka djonaghura po vantu vavadona, ngoli vavawa nga ka va parura. Mateusa 24:37-39
Satana nampepo dadidona kuna kutwikira kupukita vantu.
Yira moomu vya kalire mumayuva ghaNowa, nanamuntji shingi shavantu kuna kushwena dimuragho daJehova dadiwa. Ntaantani tupu Jehova nga ka djonaghure po vantu navantje vavadona.—2 Peturusa 2:5, 6.
Vantu vamweya kwa kara yira Nowa. Vavo kutegherera kwaKarunga nakuruwana ovyo a va tanteranga, vavo mbo Vambangi vaJehova.
You May Also Like
BOOKS & BROCHURES
Are ana kupangero udjuni?
Kughutetuka evi ya ghamba ko Bibeli. Kushonge evi ya ghamba Bibeli kuhamena Mupangeli waudjuni nevi ghavi ka shoroko kumeho.
