YƆRƆ 6NAN
An be kalan juman sɔrɔ o sanjiba koo la?
Ala ye mɔgɔ juguw halaki, nka a ye Nuhun n’a ka denbaya kisi. Zɛnɛzi 7:11, 12, 23
Sanji benna caaman tile 40 ani suu 40. Jii ye dugukolo bɛɛ datugu. Mɔgɔ juguw bɛɛ sara.
Mɛlɛkɛ murutininw y’u farisogo to yen ani u kɛra jinaw ye.
Minw tun be kurun kɔnɔ, olu kisira. Hali ni Nuhun n’a ka denbayamɔgɔw labanna ka sa, Ala bena u lakunu ani u bena jigiya sɔrɔ ka to niin na fɔɔ abada.
Ala bena mɔgɔ juguw halaki tugun ani a bena mɔgɔ ɲumanw kisi. Matiyo 24:37-39
Hali bi, Sutana ni jinaw b’a la ka mɔgɔw lafili.
I n’a fɔ Nuhun ka tile la, bi mɔgɔ caaman be ban Jehova ka ɲɛminɛli ma, a be min kɛ ni kanuya ye. Yanni dɔɔni, Jehova bena mɔgɔ juguw bɛɛ halaki.—2 Piyɛri 2:5, 6.
Mɔgɔ dɔw be komi Nuhun. U be mɛnni kɛ Ala fɛ ani a be min fɔ, u b’o lo kɛ: Olu ye Jehova Seerew ye.
Découvrez aussi…
GAFEW NI KITABUNINW
Jɔn tigitigi lo be duniɲa nin marala?
Bibulu ka jaabili be se k’i kabakoya. A ɲini k’a lɔn fɛɛn min kama o kɔrɔtanin lo ani o be min yira an na siniɲasigi koo la.
