LESONI 6
Na Cava Eda Vulica ena Waluvu Levu?
A vakarusai ira na tamata ca na Kalou, ia a vakabulai Noa kei na nona vuvale. Vakatekivu 7:11, 12, 23
A tau na uca me 40 na siga 40 na bogi, qai luvuci ena wai o vuravura. Era mate kece na tamata ca.
Era biuta na yagodra vakatamata na agilosi talaidredre ra qai yaco mera timoni.
Era bula na tiko ena loma ni waqa. Toso na gauna, a mate o Noa kei na nona vuvale, ia ena vakaturi ratou na Kalou me rawa ni ratou bula tawamudu.
Ena vakarusai ira tale na tamata ca na Kalou qai vakabulai ira na tamata vinaka. Maciu 24:37-39
E se veivakacalai tiko ga o Setani kei ira na timoni.
Me vaka ga ena gauna i Noa, e levu nikua era cata na veidusimaki vakayalololoma i Jiova. Sa vakarau vakarusai ira kece na tamata ca o Jiova.—2 Pita 2:5, 6.
Eso era vakataki Noa. Era vakarorogo vua na Kalou ra qai cakava na ka e tukuna, qori o ira na iVakadinadina i Jiova.
Rawa ni o Wilika Tale ga
IVOLA & BROCHURE
O Cei e Lewa Dina Tiko na Vuravura?
De dua o na kurabuitaka na kena isau ena iVolatabu. Raica na vuna e bibi kina kei na kena yaga ena veisiga nimataka.
