Na ’ua sosolo lolotoga aso e 40 ti mo pō e 40, ti na ’aofi a le kele kātoa e le vai. Na mamate ai loa a le kakai agasala fuli.

Na ti’aki e le kau ’āselo agatu’u olātou tino fakatagata, ti na lotou liliu ai loa ko le kau temonio.

Ko lātou alā na nonofo i loto o le ’aleka na lotou saosaoa. Tatau ai fa’i pe kua mate a Noe mo lona fāmili, kae e toe fakatu’uake loa lātou e le ’Atua mo le fānaki leia ke lotou ma’uli o le’egato.

 Ko Satana mo ana kau temonio e koi soko atu fa’i lalātou fakasala’i a fenua.

I leinei le temi, o fai pe le temi leiā o Noe, toka’api lātou alā e lotou titu’a ki le takitaki ’alofa leia a Seova. Kua vave fa’i a le ’aga a Seova o tautea’i a lātou fuli alā e agaveli. 2 Petelo 2:5, 6.

E i ai a fenua e lotou fai pe Noe. E lotou fakalogo ki le ’Atua ti e lotou fai a ne’a alā e pati e ia ke fai; ko le kau Fakamā’oki a Seova..