EKIRAJAAYA 6
Shikirajaka anain waya süchiki tü juya miyoʼukat maʼin
Ouktüsü wayuu mojulaasü jee Noé sümaa nüpüshi katüsü noʼu (Génesis 7:11, 12, 23)
Aʼitüsü tü juyakat soʼu 40 kaʼi otta 40 ai. Epirajaasü wüin tü Mmapaʼakat. Ouktüsü süpüshuaʼa wayuu mojulaasü.
Nnojoluinnapa wayuuyaain na aapiee eʼrakana wayumüin, nümaainnapa Satanaa. Maaʼulu, yolujaashii.
Naya neʼe kataka oʼu na suluʼujanakana tü anuakat. Kakalia süchikijee, ouktüshi Noé sümaa nüpüshi. Kateena oʼu nachikuaʼa nutuma Maleiwa otta müinnia nnojoluin ouktüin.
Ajaʼttinneerü wayuu mojulaasü, na anamiakana kateerü noʼu (Mateo 24:37-39)
Maaʼulu, moonooinsat wayuu nümüin Je’waa nutuma Satanaa jee na yolujaakana.
Maaʼulu, maʼaka soʼu nükalia Noé wainma wayuu nnojotka oonoweein nümaa Je’waa. Alüʼütsü süpüla najaʼttirüin süpüshuaʼa wayuu mojulaasü (2 Pedro 2:5, 6).
Eeshii na wayuu makana aka naaʼin Noé, aaʼinraka tü nümakat Maleiwa. Naya na aküjüliikana pütchi nüchiki Je’waa.
Eesüjaʼa kamalainjeerüle pümüin aashajeʼeraa tüü
KARALOʼUTAIRUA OTTA POYEETOIRUA
¿Jarai chi aluwataakai saaʼu wayuu sainküin mmaka?
Eesü poneerüle paaʼin tü sümakat tü Bibliakat. Pütüjaajeerü jameerüin pukuwaʼipa maaʼulu otta mapeena.
