KUKWE JA TÖTIKARA 6
¿Ñü Kri ye kätä dre mike gare nie?
Ngöbökwe nitre töi käme ganinte akwa Noé bätä mräkätre mikani kwäre kwe (Génesis 7:11, 12, 23)
Ñü näkäni tibien köbö gre ketebu rare bätä köbö gre ketebu dibire aune kä jökrä nikani ñöte. Nitre töi käme ye jökrä ngatani.
Angeletre töi käme käkwe ja sribebare ni kä nebätä erere ye tuanimetre kwetre, biti ja mikani kwetre chokalire.
Nitre nämene arka teri ye namaninte nire. Ye bitikäre kä nikani raire ta aune Noé bätä mräkätre kwe krütani, akwa Ngöbökwe niaratre gaikröta nünankäre kärekäre.
Ngöbökwe nitre kukwe käme nuainkä ye gaite bobukäre aune nitre kukwe kwin nuainkä ye mikai kwäre kwe (Mateo 24:37-39)
Satana bätä chokalitre ye täbe nitre ngökö kä nengwane.
Noé näire ye erere, kä nengwane Jehová tä ni jie ngwen ni tare kwe yebätä akwa nitre kwati ñaka kain ngäbiti. Jehová köböra nitre töi käme gainte (2 Pedro 2:5, 6).
Nitre ruäre töi Noé ye erere. Tätre Ngöbö mike täte aune niara tä dre niere ye erere niaratre tä nuainne; nitre ye abokän Testiko Jehovakwe.
Ne rabai tuen kwin mäi arato
BIBLIA ¿TÄ DRE MIKE GARE?
Nitre namaninte nire ñü kri näire
¿Ñokänti kukwe blo ye namani käbiti tibien? ¿Noé nämene ja ngwen metre ye bämikani ño kwe?
TÄRÄ MADA
¿Nireta kä tibien ne gobraine metrere?
Biblia tä kukwe ye mike gare ye raba mä töi mike ñan krütare. Ñobätä ye ütiäte aune ye dre gärätä mä kräke ye mäkwe mika gare jai.
