BAHIN 6
Ano ang Matun-an Naton sa Daku nga Baha?
Ginlaglag sang Dios ang mga malauton apang ginluwas niya si Noe kag ang iya pamilya. Genesis 7:11, 12, 23
Nag-ulan sa sulod sang 40 ka adlaw kag 40 ka gab-i amo nga natabunan sang tubig ang bug-os nga duta. Napatay ang tanan nga malaut nga tawo.
Ginbiyaan sang rebelde nga mga anghel ang ila tawhanon nga lawas kag nangin demonyo.
Ang ara sa sulod sang arka naluwas. Pagligad sang madamo nga tinuig, napatay sanday Noe kag ang iya pamilya apang buhion sila liwat sang Dios kag may paglaum nga mabuhi sing walay katapusan.
Laglagon liwat sang Dios ang mga malauton kag luwason niya ang mga matarong. Mateo 24:37-39
Ginapatalang gihapon ni Satanas kag sang iya mga demonyo ang mga tawo.
Pareho sang panahon ni Noe, madamo sa karon ang wala nagatuman sa mahigugmaon nga sugo ni Jehova. Sa ulihi, laglagon ni Jehova ang tanan nga malauton.—2 Pedro 2:5, 6.
May mga tawo man karon pareho kay Noe. Nagapamati sila sa Dios kag nagatuman sa iya; sila ang mga Saksi ni Jehova.
Basi Manamian Ka Man
ANG BIBLIA—ANO ANG MENSAHE SINI?
Naluwas ang Katawhan sa Anaw
Paano naglapnag ang kalautan sa duta? Paano ginpamatud-an ni Noe nga matutom sia?
LIBRO KAG BROSYUR
Sin-o Gid ang Nagagahom sa Kalibutan?
Mahimo makibot ka sa sabat sang Biblia. Hibalua kon ngaa importante ini kag kon ano ang ginapahangop sini parte sa palaabuton.
