Ɔwɔ a ya ɛ̄cī ofɛpa (40) otu kwu ɛnɔ, anɔɔ eŋkpɔ a kwu mu oduudu ɛcɛ á. Ɛjɛɛji ācɛ o bɔbiipu a gekwu.

Aalelekwu otɛhɔ nōo ya ikpɛyi olɔfu a habɔ ɔkpiye ku alɛɛcɛ ta kwu piya aalelekwu obɔbi.

Ācɛ nōo yɔ ipu ugbeenyi a le wi. Naana nɛ Unowa mla aikono ku ɔlɛ nu gekwu igbihaajɛ a, Ɔwɔico géē je uwa heyi kpɔ. É kē leyiyoce kéē lā oyeeyi opiyoo ipu ɛcɛ.

Usetan mɛmla aalelekwu obɔbi a yɔ i plla ācɛ kpɔ.

Bɛɛka eko ku Unowa a, icɛ ācɛ alɛwa gē leyi gwo ɛlā ku Ujehofa bonu. Ó gboji gɛ ŋ Ujehofa géē je ɛjɛɛji ācɛ o ya ɔdobɔbi a yiifi.—2 Upíta 2:5, 6.

Ācɛ ōhī lɛbɛɛka Unowa a. É gē jahɔ ta Ɔwɔico klla gē ya ɔdā nɛ ó ka a; uwa wɛ Ācɛ Ocijali Ku Ujehofa.