ỤPA 6
Ẹlịyẹ Ahị Tị́ Jẹ́ Bwu Ukpenyi Ọtụka-à?
Ohe Oluhye ta angịnyị inyibyi ayịreji, ma ọ chị iNuwa bala ugbiyegu nyamwụ da. Ọmwụ Ọdada 7:11, 12, 23
Enyi do ẹ-ẹpwụ nya ahị ọpyẹpyẹ bala odu iwo ine, enyi kụrụ odehe wuu. Angịnyị inyibyi wuu gbu.
Alegu-ẹrụ ị-la egbeju ọngịrị ịwẹ pẹhi ugbinyịrọ nya angịnyị ehe lẹ, ị yẹ la alegu inyibyi ẹẹ.
Angịlẹ kị juwa ẹ-ẹpwụ nya ụmwụ chịda. Ẹka lụmẹ-lụmẹ nyọlẹ ká enyi do kpá, iNuwa bala ugbiyegu nyamwụ gbu, ma Ohe Oluhye ka wulaa eji bwula igu kaka hịhị gbe oyi myị́ oyi.
Ohe Oluhye ka ta angịnyị inyibyi ayịreji bala ọ-chị angịnyị ịnyịịla da myịmyị. ILuku 17:26-27
Olegu Onyobyi bala alegu-ẹrụ nyamwụ kịnyaa juwa hụ angịnyị ahị.
Lala ụka nya iNuwa, iru nya angịnyị alẹ pwa la ọ-ba ọmẹjẹ nya iJihova jẹ. Lụka ọ-kpii iJihova ka ta angị inyibyi wuu ayịreji.—2 Ala ịTẹsalonika 1:9.
Angịhyẹ jam odehe alẹ kị lala iNuwa. Ị kaa ke ụrụ wo ẹla nya Ohe Oluhye bala ọ-họ ẹla ọlẹ kọ ya; angịịwa à ri Alibeenu nya iJihova lẹ.
You May Also Like
APWỤ & APWỤ ICHICHE
Oowo Kpangga à tị́ Kpa Odehe Ọlẹ ụ-Ụbwọ?
Ọwẹwẹ ọlẹpwụ nya ịBayịbụụ ka lang ẹbyẹbyị myị́. Jẹ́ ang odudu ọlẹ kọ́ baba bala apyobwuna ọlẹ kọ́ juwa ị-ịlahị.
