Nhtoi 40 ya tup, shani shana marang htu ngut ai hpang, mungkan ting hka lim mat ai. Nhkru ai masha ni yawng, si mat ai.

Gumlau ai lamu kasa ni gaw, shanhte a masha hkum hpe tawn kau da nna, nat matse ni byin mat wa ai.

Sanghpaw kata na masha ni, asak lawt lu ai. Hpang jahtum, Noa hte kun dinghku masha ni, si mat wa tim, shanhte htani htana asak hkrung na matu, Karai Kasang bai galaw ya na re.

Satan hte nat matse ni gaw, shinggyim masha ni hpe matut nna hkalem nga ai.

Ya aten hta mung, Noa prat na zawn, masha law malawng gaw, Yehowa a tsawra myit hte lam matsun ai hpe, n madat ma ai. Kade nna yang, Yehowa gaw nhkru ai masha yawng hpe, jahten kau sana re.​​—​2 Petru 2:5, 6.

Masha nkau mi gaw Noa hte bung ai. Shanhte gaw Karai Kasang a ga madat nna, shi tsun ai hku galaw ma ai. Shanhte gaw Yehowa Sakse ni re.