PÁRTI 6
Kuzê ki nu pode prende di Dilúviu di ténpu di Nué?
Deus kaba ku kes algen mau, má el salva Nué ku se família. Génesis 7:11, 12, 23
Txobe 40 dia i 40 noti, agu kubri Téra interu. Tudu algen mau móre.
Kes anju ki rabela, dexa ses korpu ki es fazeba, es bai pa Séu i es fika di ladu di Satanás.
Kes algen ki staba na arka fika bibu. Txeu anu dipôs, Nué ku se família móre. Má Deus ta ben da-s vida otu bês i es pode ben vive pa tudu ténpu.
Lúkas 17:26, 27, BPK
Deus ta ben kaba ku tudu algen mau otu bês, má el ta ben salva kes ki é dretu.Satanás i kes dimóni ti inda sta ta poi algen na mau kaminhu.
Oji, sima na ténpu di Nué, txeu algen ka krê obi avizu di Jeová, ki é un Deus ki ta ama-nu txeu. Ka ta dura, Jeová ta ben kaba ku tudu algen mau. — 2 Pedro 2:5, 6.
Ten alguns algen ki é sima Nué. Es ta obi ku Deus i es ta faze tudu kel ki El ta manda. Kes algen li é Tistimunhas di Jeová.