GĨCUNJĨ GĨA 6
Twĩrutaga Atĩa Kuumana na Mũiyũro Ũrĩa Mũnene?
Ngai aaniinire andũ arĩa aganu no akĩhonokia Nuhu na famĩlĩ yake. Kĩambĩrĩria 7:11, 12, 23
Kwoirire mbura kwa ihinda rĩa thikũ 40, ũtukũ na mũthenya, na maĩ makĩiyũra thĩ yothe. Andũ othe aganu magĩkua.
Araika arĩa aremi magĩtiganĩria mĩĩrĩ yao ya nyama na thakame na magĩtuĩka ndaimono.
Arĩa maarĩ thĩinĩ wa thabina nĩ maahonokire. O na gũtuĩka thutha-inĩ Nuhu na famĩlĩ yake nĩ maakuire-rĩ, Ngai nĩ akaamariũkia marĩ na kĩĩrĩgĩrĩro gĩa gũtũũra tene na tene.
Ngai nĩ akaaniina o rĩngĩ andũ arĩa aganu na ahonokie arĩa ega. Mathayo 24:37-39
Shaitani na ndaimono no mathiaga na mbere kũhĩtithia andũ.
Ũmũthĩ, o ta matukũ ma Nuhu, andũ aingĩ nĩ maregaga ũtongoria wa wendo ũrĩa Jehova aheanaga. Ica ikuhĩ Jehova nĩ ekũniina arĩa othe aganu.—2 Petero 2:5, 6.
Andũ amwe matariĩ ta Nuhu. Nĩ mathikagĩrĩria Ngai na mageka ũrĩa oigaga; andũ acio nĩ Aira a Jehova.
Icunjĩ Ingĩ Hihi Ũngĩenda Gũthoma
MABUKU & BROSHUA
Nũũ Ũtongoragia Thĩ?
No ũkene kuona macokio ma Bibilia. Thuthuria nĩkĩ ũndũ ũcio nĩ wa bata na ũrĩa ũngĩkũguna ihinda rĩũkĩte.
