DIIBIJ 6
I biny bituloolongel ku mvul a muvumb wa ha ciisang cya Noweh?
Mawej ubutwiil baat babiih kady wakuuloh teng Noweh ni cisak cindiy. Kutang kwa Bwanjil 7:11, 12, 23
Mvul utohel mafuk 40 ma munyiny ni bufuk; mwanz uwiil bulab butuutul. Baat babiih boos bafwiil.
Baanjel baakady batombokel Mawej kuvuulobw nyeet ya baat, kushalobw bademon.
Baat boos baakady mu bwaat kuhandobw. Ku nyim kwa mafuk, Noweh ni cisak cindiy bafwiil. Nansh naak, Mawej wiiyiiy kwibaakishilul buumy bwa mwendelel.
Matewus 24:37-39
Mawej wiiyiiy kubutul cikwaabw baat babiih ni kukuul baat balengel.Sataan ni bademon bady teng batungunuk ni kuhambwish baat.
Teng ne mu ciisang cya Noweh, leloow baat bavul kabishoh batumikil mibel ya lukat ya Yehowah. Mu mafuk makeeh omw, Yehowah wiiyiiy kubutul baat boos babiih.—2 Pyeel 2:5, 6.
Baat bakwaabw bady teng ne Noweh. Bakukun Mawej mat ni batumikil bidiey uleeb; baat aab i Bantemw ba Yehowah.