မူခိၣ်​စူၤ​အ​နံၤ ၄၀, အ​နၤ ၄၀ ဒီး​ထံ​လုၢ်ဘၢ ဟီၣ်ခိၣ်​ဒီဘ့ၣ်. ပှၤအၢ​ပှၤသီ သံကွံာ်​ဝဲ​ခဲလၢာ်.

မူခိၣ်​ကလူး​လၢ အ​ထီဒါတၢ်​တဖၣ်န့ၣ်​ က့ၤထီၣ်​ကဒါ​က့ၤ​လၢ မူခိၣ်​ ဒီး​ကဲထီၣ်​ တၢ်ဝံ​တၢ်နါ​တဖၣ်.

စီၤ​နိအၤ ဒီး​အ​ဟံၣ်ဖိဃီဖိ​လၢ အ​အိၣ်လၢ​ကဘီ​ပူၤ​န့ၣ်​ တ​သံ​ဘၣ်. ဘၣ်ဆၣ်​ လၢခံန့ၣ်​ အဝဲသ့ၣ်​ သံ​ဝဲ​စ့ၢ်ကီး. သနာ်က့ ခါဆူညါန့ၣ်​ ကစၢ်ယွၤ က​မၤ​သမူထီၣ်​က့ၤ အဝဲသ့ၣ်​ဒ်သိး အဝဲသ့ၣ်​ က​အိၣ်မူ​ဘၣ်​ လီၤထူ​လီၤယိာ်.

မုၣ်ကီၤလံၢ်​ဒီး​အတၢ်ဝံ​တၢ်နါ​တဖၣ်​ ကွဲန့ၢ်​လွဲန့ၢ် ပှၤ​ဟီၣ်ခိၣ်ဖိ တုၤ​လၢ ဆၢကတီၢ်​ခဲအံၤ.

ဖဲ​စီၤ​နိအၤ​အ​စိၤ ပှၤ​အါဂၤ​တ​ဒိကနၣ်တၢ်​ဘၣ်. မုၢ်​မဆါတနံၤ​အံၤ​စ့ၢ်ကီး ပှၤ​အါဂၤ တတူၢ်လိာ် ယဟိဝၤ​ယွၤ​အ​တၢ်ဟံးစု​နဲၣ်ကျဲ​ဘၣ်. တယံာ်​လၢၤဘၣ်န့ၣ်​ ယဟိဝၤ​ယွၤ က​မၤ​ဟးဂီၤကွံာ် ပှၤအၢ​ပှၤသီ​ခဲလၢာ်.—၂ ပ့းတရူး ၂:၅, ၆.

ပှၤ​တနီၤန့ၣ်​ လီၤဂာ်​ဒ်သိးဒီး စီၤ​နိအၤ. အဝဲသ့ၣ်​ဒိကနၣ်​ ကစၢ်ယွၤ​အကလုၢ်​ဒီး အိၣ်မူ​မၤထွဲ ဒ်သိးဒီး ကစၢ်ယွၤ တဲ​ဝဲ​အသိး. အဝဲသ့ၣ်​မ့ၢ် ယဟိဝၤ​ပှၤအုၣ်အသး​တဖၣ်.