Ni to’o sulia fai akwala asoa ki, fainia fai akwala rodo ki. Leleka kafo doe ne’eri ka fuṉulia fanoa nini i ano. Ṉwae aburoṉo ki kira mae taifau.

Angel ba kira aburoṉo ana sa God ki, kira fasia loṉo noni’iru ṉwae ki, kira ka oli loṉo i laṉi. Bore ma kira anoi’iru ta’a ki na’a.

Sa Noah faini tua’a nia, faini animal ba saena ark ki go’o ne’e kira mauri. Leleka kira ka mae loṉo burina kafo doe ne’eri. Uneri bore ana, sa God nika ba’a ta’eda loṉo saena fanoa faulu, fuana kira ka mauri firi.

Sa Saetan fani angel aburoṉo nia ki, kira sokea ṉwae oro ki.

Di’ia kaidai ba ana sa Noah, i ta’ena, ṉwae ki aburoṉo loṉo ana sa Jehova. Kwai’karaṉi na’a, sa Jehova ka fa’asuia ṉwae aburoṉo ki.​—2 Peter 2:​5, 6.

I ta’ena ti ṉwae kira di’ia sa Noah. Kira roṉoa ru sa God saea ma kira ka doṉa. Fikutai ṉwae ne’eri satada ne’e Jehova Witnis ki.