IKHUNDU 6
Ninafunjavon’ni na vyaireile hora ya dhidhe ma-inje?
Nlungu o-owanonga atu oira vyothakala, mbwenye o-ovulumucha Nowa na banja laye. Maromelo 7:11, 12, 23
Dhongwe oorumbwa malambo 40, thana na ma-iyu; ma-inje oodhala ilambo yothene ya vathi. Atu othene oira vyothakala to-okwa.
Angelo ali ikhundu ya Satana to-o-iya matutu aunyama, tongokhala anemba.
Atu talinga muwari mwa mwadiya to-o-vulumuwa. Vira wa hora, Nowa na banja laye to-okwa. Mbwenye sogolou, Nlungu unodha avenyathi-a, na idedi-edho yodhakhala na ingumi yo-omala.
Nlungu unodha anonga atu oira vyothakala, na vulumucha atu aphama. Mateu 24:37-39
Satana na anemba aye anaadhowanave vandhucha atu.
Ninga vyongo vyali aliwa hora ya Nowa, titho malambo ano, atu anjinji anakhonda sogoleliwa na Yohova. Mwachineneeva, Yohova unowanonga atu othene oira vyothakala.—2 Pedru 2:5, 6.
Atu enango tali ninga Nowa. Aliwa anovwela Nlungu na ira vinofuna liye. Atu enala mbaa Mboni dha Yohova.
You May Also Like
MABUKHU NA MABROXURA
N’nga mbaani va unatonga ilamboyi?
Vinawonga Bibilya vinoodabwi-ani. Idhiwani mwasiwa n’niya vyevyo vili vyofuneya wa nyo.
