Mazɛvɛ 6
Zɛɓɛi Maa Nɛɛ De Kwɛ̃ɛ É Vile Ziɛ-ʋe Gwalai Va?
Gala gé faa yowũ ɣɛɛ veaitiɛ zu ŋala-ŋalani. Kɛ̀ é Nowa ɓɔga ná numaitiɛ wuloni. 2 Pite 2:5, 6
Tinei puuni ga folo yee naagɔ (40) ta kpidi yee naagɔ (40). Ziɛi ʋe sa é zui maa ɓoale. Faa yowũ ɣɛɛ veaitiɛ te zaani ɓɔɔ kpowũ.
Gala ta ɣeelai niitiɛ te goo-mɛni-talai wuloni, te wuloni sa nu ɓuse lɔtɔi zu, te ɓɔɔ maa ʋeli ga ŋinɛ yowũitiɛ.
Faa lɛ ɣɛɛni ga numai niitiɛ te ɣɛni kẽegi zu. Velei ɓalaa Nowa ɓɔga nà numaitiɛ te wɔlɔ-zaɣani la te za, Gala ka vaazu te wuziɣizu saa yá. Ta yɛ sa ŋetea wɔlɔ-wɔlɔ ta wɔlɔ-wɔlɔ.
Gala ka vaazu wɔnɔ faa yowũ ɣɛɛ veaitiɛ wũdaa vilisu, kɛ̀ tɔ nu vagɔitiɛ yɛsu na. Mafiyu 24:37-39
Seeta ɓɔga ná ŋinɛ yowũitiɛ ta dɛ ɓalaa numaa ɣaa-wɔlɔsu niizu.
Velei nɔ numaitiɛ tɛ lɛ wuitoni la Nowa ma, na nɔ niizu numaitiɛ te kɛɛzu. Tɛ lɛ wuitosu Jehova ná tɛnɛ pagɔi ma. Jehova ɣa sa vaazu faa yowũ ɣɛɛ veaitiɛ zu ŋala-ŋala su.
Numaa taniga ta ɣaa ɓaazu ga te ɣɛ ga Nowa ɣavele. Ta wuitosu Gala ma tiɛ góo mɛni. Ta ga Jehova ná Seeleitiɛ.
You May Also Like
KƆLƆ ƁUKUITIƐ TA BOLOSIƐTIƐ
Ɓɛɛ Ɣa Ɓɔɔ Ná Gaa-ɓai Zui Maazu?
Ɣeeta nii é è ɣigi zu naa laale ɔ ɣɛ Baaboi zu. Faa maa woli é vile nii va Baaboi boga. Kulo-nu-ma ɣa ná e ʋaa ma ŋina ŋeteai zu.
