PARTE 6
Kat asom aimūꞌe Iꞌaman Wato Hap etiat
Tupana tiꞌatumomã yne mītꞌīn ȳt wakuariaꞌi maꞌato toiꞌatuhakyeraꞌat Nuꞌe hawyi iwyriaꞌīn. Ienesi (Gênesis) 7:11, 12, 23
Iꞌaman 40 eꞌāt hawyi 40 ewantym miꞌi hawyi ti mesūwat yi minꞌe raꞌyn. Torānia mītꞌīn ȳt wakuariaꞌi ti teꞌeropap taꞌyn.
Anjo koꞌi teꞌeruwemog̃koꞌi maꞌãu saꞌag̃ koꞌi wo miꞌi hawyi tuwat raꞌyn atipy kape.
Maꞌato torānia yara wato piaria Ieuwa tiꞌatuehakyeraꞌat raꞌyn. Miꞌi hawyi Nuꞌe hawyi iwyriaꞌīn iꞌatupōro raꞌyn hawyi iꞌatukuꞌuro raꞌyn. Maꞌato Tupana tiꞌatuhymūt hamuat re g̃uꞌuro pyi hawyi wuatꞌi eꞌāt pe tukupteꞌen hamuat.
Nuꞌe tempu mītꞌīn wakuaria Tupana tiꞌatuehakyeraꞌat maꞌato tutunug̃ hamuat re. Iruka (Lucas) 17:26, 27
Ahiag̃ hawyi teꞌahiag̃nia wȳwo toiꞌatumoꞌakag̃ꞌia mītꞌīn.
Korā̃ Nuꞌe tempuat awy. Mītꞌīn ȳt teꞌerenentup terānꞌi Tupana ehay kape iꞌewȳte ȳt taꞌatunug̃ terānꞌi Tupana mikyꞌesat. Maꞌato pyaꞌi raꞌyn Tupana tiꞌatumomã pakupꞌi hamuat. (2 Peteru [2 Pedro] 2:5, 6)
Maꞌato iraniaꞌīn mītꞌīn tunug̃ aikotā̃ Nuꞌe awy. Ieuwa Ehay Enoi Haria teꞌerenentup Tupana ehay kape hawyi taꞌatunug̃ Ieuwa mikyꞌesat.
Etimowempāp kuap poꞌog̃
POPERA KOꞌI
Uweig̃ asom mītꞌīn kaꞌiwat.
Asuwe –Atikuap kahato raꞌyn miꞌi hap etiat ere kuap maꞌato eremūꞌe poꞌog̃ hamo.
