Nu parte yeje 6
Ra kjaji jagua tsjaa e Noé
E Jehová o mbotrʼꞹ kʼo ntee kʼo mi kjaji kʼo na sʼoo, dya go mbotrʼꞹ e Noé ñe nu pjamilia (Génesis 7:11, 12, 23)
O e̱je̱ na trʼadyɇbʼɇ o mezhe cuarenta paa ñe cuarenta xomꞹ. Go nizhi nrreje texe nu Xoñijomꞹ.
Texe kʼo ntee kʼo mi kjaji kʼo na sʼoo go nrru̱ji. Kʼo anxe k’o ma sʼoo o jyeziji o kuerpo kja ne Xoñijomꞹ o nzhogꞹji ajensʼe, dya kja joo kʼo anxekʼo, ngeji demoniodya.
E Noé ñe o pjamilia dya o nrru̱ji, angezeji o tsjaji kʼo mi mama Mizhokjimi, o kjogꞹji kja kʼe arca. Zo dya kja bʼꞹnji, e Jehová ra xosꞹji kja o trʼoʼo ngekʼua ra mimiji texe yo paa kja ne Xoñijomꞹ.
E Mizhokjimi ra kjuatꞹ texe yo ntee kʼo na sʼoo. Kʼo na jonte ra jyezitrjo ra bʼꞹbʼꞹtrjoji (Mateo 24:37-39)
E Satanás ñe yo demonio jotrʼꞹ yo ntee ngekʼua ra tsjaji kʼo dya ga joo.
Yo paa yo ri ka̱ra̱jidya, yo ntee dya ⱥtⱥji e Mizhokjimi kjaji kʼo na sʼoo, nzakja mi jingua ma o bʼꞹbʼꞹ e Noé. Ya ba chezhi kʼe paa ma e Mizhokjimi ra chjotꞹ yo ntee kʼo kjaa na sʼoo. Kʼo kjaa kʼo nee Mizhokjimi ra mimi nrrexe yo paa kja ne Xoñijomꞹ (2 Pedro 2:5, 6).
Yo testigo e Jehová nzakja e Noé, kjaji kʼo nee e Mizhokjimi.
Puede que también le interese
¿PJE MAMA NE BIBLIA?
¿Pjenga dya go nrru̱u̱ji ma o ñe̱je̱ kʼe trʼadye̷bʼe̷?
Mi jingua, ¿pjenga o nga̱ra̱ na punkju̷ ntee kʼo na sʼoo? ¿Pjenga ri manji ke e Noé mi a̷ta̷ Mizhokjimi?
YO LIBRO ÑE YO FOLLETO
¿Kjo nge kʼꞹ manda kja ne Xoñijomꞹ?
Bʼꞹma me ti kentrjoge ma ri pa̱rge kʼo mama ne Biblia. ¿Pjekja na joo ri pa̱rgekʼo ñe pje ra kjogꞹ axojñi?
