IPANTAKATO 6
Oꞌnon yeꞌka pe dilúvioya uurînîkon yenupa?
Imakuiꞌsan tîꞌkaꞌpî Paapaya, tîîse Noé moropai tîpemonkonoyamîꞌ tîꞌkaꞌpîiya pepîn. 2 Pedro 2:5, 6
Konoꞌ renaꞌpî 40 wei kaisîrî moropai 40 kaisîrî nîrî ewaronya. Tunaya tamîꞌnawîrî Pata yeuronkaꞌpî. Tamîꞌnawîronkon imakuiꞌsan pemonkonyamîꞌ samantaꞌpî.
Inserîyamîꞌ wanîꞌpî Paapa yawîrî pra tîsaꞌkon nîmîꞌpî toꞌya Pata pona. Moropai inkamoro inserîyamîꞌ enaꞌpî imakuiꞌsan pe.
Kanawa yawonkon pemonkonyamîꞌ samantasa pra man. Mararî pra Noé moropai tîpemonkonoyamîꞌ koꞌmanpîtîꞌpî, mîrîrî tîpo, inkamoro samantaꞌpî. Tîîse Paapaya inîꞌrî inkamoro eꞌmîꞌsaꞌka Paraíso Pata pona toꞌ koꞌmantoꞌpe patakarî.
Paapaya inîꞌrî imakuiꞌsan tîꞌkaiya. Tîîse morîkon pemonkonyamîꞌ tîꞌkaiya pepîn. Mateus 24:37-39
Sîrîrîpe nîrî Makui moropai imakuiꞌsan inserîyamîꞌya pemonkonyamîꞌ yenkuꞌtî. Inkamoroya pemonkonyamîꞌ moꞌka Paapa eꞌma tawîrî pai.
Noé koꞌmanpîtîꞌpî warantî, sîrîrîpe mararî pra pemonkonyamîꞌ man Paapa maimu yawîrî pra toꞌ wanî. Jeováya tamîꞌnawîronkon imakuiꞌsan tîꞌkaiya. Mîrîrî koꞌmamî pepîn. (Lucas 17:26, 27)
Mararî pra pemonkonyamîꞌ man Noé epîtîꞌpî warantî toꞌ wanî. Paapa etaa toꞌya moropai yawîrî toꞌ wanî. Inkamoro pemonkonyamîꞌ iteseꞌ Jeová Maimu Ekaremeꞌnenan..
Awakîri pe nîrî mîrîrîkon wanî
KAARETAꞌKON MOROPAI SIꞌMÎRIKÎ KAARETAꞌKON
Anîꞌya governa ta pata pî?
Amîrî tausinpa îꞌ taa Paapa maimuya manni pî. Eraꞌmakî îꞌ wani awanî eꞌnen morî pe seeni yuuto epuꞌtî moropai oꞌnon yeꞌka pe mîrîrîya apîikaꞌtî ipatîkarî akoꞌmantoꞌpe.
