BAAT 6
Ta eo Jej Katak jãn Men ko Rar Wal̦o̦k ilo Ibwijleplep Eo?
Anij ear ko̦kkure ro renana ak ear lo̦mo̦o̦ren Noa im baam̦le eo an. Jenesis 7:11, 12, 23
Ear wõt ium̦win 40 raan im 40 boñ. Aolepen lal̦ in ear libobo kõn dãn. Aolep armej ro renana rar mej.
Ak enjel̦ ro renana rar ukot m̦õõraer im weaaklõñl̦o̦k.
Ro im rar pãd iloan wa eo rar mour. Meñe tokãlik Noa im baam̦le eo an rar mej, Anij enaaj bar kõmour er im renaaj mour ñan indeeo.
Anij enaaj bar ko̦kkure ro renana im enaaj lo̦mo̦o̦ren ro rem̦m̦an. Matu 24:37-39
Setan im enjel̦ ro renana rej wõnm̦aanl̦o̦k wõt im tõlpiloik armej ro.
Rainin elõñ armej ro rejjab roñjake naan in kakkõl ko an Jeova ãinwõt ilo kar raan ko an Noa. M̦õttan jidik Jeova enaaj ko̦kkure aolep armej ro renana.
Ewõr jet armej rej ãinwõt Noa. Rej roñjake Anij im kõm̦m̦ani men ko ej ba. Wõn rein? Ej Ri Kõnnaan ro an Jeova.
You May Also Like
BOK IM BROCHURE
Lal̦ in Ej Pãd Ium̦win Pein Wõn?
Kwõmaroñ bwilõñ kõn uwaak eo jãn Baibõl̦. Katak im lale unin an aorõk bwe kwõn jel̦ã uwaakin kajjitõk in.
