WĀHANGA 6
E Ako Ana Tātou He Aha I te Waipuke Nui?
I whakangaro te Atua i te hunga kino, ka tiaki i a Noa rātou ko tōna whānau. Kēnehi 7:11, 12, 23
Ka 40 ngā rā, ka 40 ngā pō i heke te ua, ā taupoki ana ngā wai i te ao katoa. I mate katoa ngā tāngata kino.
Whakarerea iho e ngā anahera whakakeke ō rātou tinana kikokiko, nā ko rātou ngā rēwera.
I ora te hunga i roto i te āka. Ahakoa i mate tonu a Noa me tōna whānau, ka whakaara te Atua i a rātou me te tūmanako ka ora ake tonu atu.
Matiu 24:37-39
Ka whakangaro anō te Atua i te hunga kino, ka tiaki i te hunga pai.Kei te whakapōhēhē tonu a Hātana me ngā rēwera i te tangata.
Ināianei, pērā i te wā i a Noa, e whakahāwea ana te nuinga i te tohutohu aroha a Ihowa. Poto ake ka whakangaromia e Ihowa ngā tāngata kino.—2 Pita 2:5, 6.
He rite anō ētahi tāngata ki a Noa. Ka whakarongo ki te Atua, ka mahi i tāna kupu; ko ngā Kaiwhakaatu a Ihowa ēnei.