অহিং নুংথিন নুমিৎ ৪০নি লেপ্তনা নোং তারম্মী অমসুং ঈশিংনা পৃথিবী পুম্বা কুপখিরম্মী। ফত্তবা মীয়ামশিংদু লোয়না শিখি।

লমহেন্বা স্বর্গদুতশিংদুনা মখোয়গী লু-তোংগী ওইবা হকচাং থাদোক্লম্লগা ফত্তবা স্বর্গদুতশিং ওইনা লৈখি।

হি মনুংদা লৈহৌবশিংদু হিংহৌই। নোহা অমসুং মহাক্কী ইমুং মনুংদি কোন্নথংদা শিখ্রবসু ঈশ্বরনা মখোয়বু লোম্বা নাইদনা হিংনবগী আশাগা লোইননা হীঙ্গৎহন্বিগনি।

সৈতান অমসুং ফত্তবা স্বর্গদুতশিংদুনা মীয়ামশিংবু লেপ্তনা লান্না লমজিংলি।

ঙসিসু, নোহাগী মতমদা ওইখিবগুম্না, ময়াম অমনা যেহোবানা নুংশি হৈনা পীবিবা লমজিং অদুবু লৌদে। থুনমক ফত্তবশিংবু যেহোবানা মাংহল্লগনি।—২ পিতর ২:৫, ৬.

ঙসিসু মীওই খরদি নোহাগুম্মী। মখোয়না ঈশ্বরনা হায়বা তাজৈ অমসুং মহাক্না হায়বদু তৌজৈ। মখোয়শিংদু যেহোবাগী শাক্ষিশিংনি।