PART 6
Kʼuʼ ti Käna Etel a Noxiʼ Tudʼaʼan Jaʼil?
Dʼios u jobʼsajooʼ a kʼasa pero u saʼaltaj aj Noej etel u familia. Genesis 7:11, 12, 23
Uchi a jaʼ 40 kʼin y 40 akʼäʼ, y a jaʼa u tepʼa tulakal a yokʼolkabʼa. Tulakal a kʼakʼas kristiyaano kimooʼ.
Aj chichpol ʼaanjel u pʼätajooʼ u luʼumal bʼäkʼel y suʼtooʼ tiʼ a kʼakʼas espiritu.
Leʼek a keʼenooʼ ichil a bʼarko maʼ kimooʼ. Pachili aj Noej etel u familia kimooʼlik, chumen Dʼios bʼel u kaʼa u talesooʼ tiʼ kuxtal tukaʼyeʼ tiʼi kuchi kaʼ kuxlakooʼ ti bʼebʼeel.
Dʼios bʼel u kaʼa u jobʼes a kʼasooʼ y u saltooʼ a kiʼil kristiyaano. Mateo 24:37-39
Kisin etelooʼ a kʼakʼas espiritu tan tiʼ tan u choʼik a kristiyaano.
Aleebʼe jabʼixlik ichil u kʼinil aj Noej, yaabʼ u kulpachtajooʼ u tojil u yakunaj a Jehovah. Seebʼaʼan a Jehovah bʼel u kaʼa u jobʼes tulakal mak a kʼasa.—2 Pedro 2:5, 6.
Yan a kristiyaano jabʼixooʼ aj Noej. Tanooʼ u yubʼik a Dʼioso y u bʼetik kʼuʼ a tan u yadʼik; leʼek abʼeʼe Testigojooʼ tiʼi Jehovah.
You May Also Like
JUʼUMOOʼ & BROCHURES
Mak chukul tan u kontrolartik a yokʼolkabʼa?
Leʼek kʼuʼ u yadʼaj a Bʼibʼle uchak u sätik a wool. Käxte kʼuʼkaʼa kʼabʼeet y kʼuʼ u nukul abʼeʼe ti a wataktojo.
