TLAMACHTILI 6
¿Tlake techmachtia kema tlauel uetski atl?
ToTeotsij kintsontlamiltik katli san tlemach tlachiuayayaj uan kinmanauik Noé iuaya ichampoyouaj (Génesis 7:11, 12, 23)
Uetski atl 40 tonali uan 40 youali, uan tlatemik ipan nochi Tlaltipaktli. Uan katli san tlemach tlachiuayayaj mijkej.
Nopa iluikaeuanij tlen tlaijixnamijkej kikajtejkej inintlakayo uan mochijkej amo kuali ajakamej.
Momanauijkej san katli itstoyaj ipan akali. Maske teipa Noé uan ichampoyouaj miktiajkej, toTeotsij kinyolkuis uan uelis itstosej nochipa.
ToTeotsij sampa kintsontlamiltis katli san tlemach tlachiuaj uan kinmanauis tlen kuali ininyolo (Mateo 24:37-39)
Satanás uan amo kuali iluikaeuanij nojua kitemoliaj ma amo kitlakakilikaj Jehová.
Nama nojkia pano kej kema itstoya Noé, miakej amo kinekij kineltokasej Jehová. ToTeotsij nechka kintsontlamiltis nochi tlen san tlemach tlachiuaj (2 Pedro 2:5, 6).
Miakej kichiuaj kej Noé, kitlakakiliaj toTeotsij uan kichiuaj tlen ya kineki. Motokaxtiaj Jehová itlajtoltemakauaj.
Tlen nojkia mitspaktis tikitas
BIBLIA, ¿TLAKE TLAMACHTILI KIPIA?
Momanauijkej kema tlauel uetski atl
¿Kenke miakej maseualmej pejkej kichiuaj tlen amo kuali ipan Tlaltipaktli? ¿Kenijkatsa kinextik Noé kineltokayaya toTeotsij?
AMOCHTLI UAN PILAMOCHTSITSIJ
¿Ajkia kinauatia ni Tlaltipaktli?
Biblia kiijtoua ajkia nelia kinauatia. Xikita kenke tlauel moneki tijmatis uan tlake panos teipa.
