TLAXELOL 6
¿Tlen techmachti ueyi Apachiuilistli?
ToTajtsin Dios okinmixpolo akinmej amo yolkualmej, maski ijkon, okinmakixti Noé uan ichanejkauan (Génesis 7:11, 12, 23)
Itech 40 tonalmej uan 40 yoak okiauik chikauak. Nochi Tlaltikpak oatemik uan nochtin tlaltikpaktlakamej tlen amo yolkualmej omikej.
Ángeles tlen amo otetlakamatkej okikajkej innakayo uan omokuepkej amo kuali ejekamej.
San omomakixtijkej akinmej okatkaj itech akali. Seki kauitl satepan, Noé uan ichanejkauan omikej, maski ijkon, toTajtsin Dios kinyolitis pampa uelis yoltoskej nochipa.
ToTajtsin Dios oksepa kinmixpolos akinmej amo yolkualmej uan kinmakixtis akinmej yolkualmej (Mateo 24:37-39)
Satanás uan amo kuali iejekauan ok kinkajkayajtokej tlaltikpaktlakamej.
Ijkon ken itech tonalmej ijkuak Noé onemia, axan miakej amo kiseliaj tlayekanalistli tlen Jehová kitemaka ika tlasojtlalistli. Amo miak kauitl poliui uan Jehová kinmixpolos nochtin akinmej amo yolkualmej (2 Pedro 2:5, 6).
Sekimej tlaltikpaktlakamej kichiuaj ken Noé, kikakij uan kitlakamatij toTajtsin Dios, yejuan iTlaixpantijkauan Jehová.
Xamo noijki mitspaktis
BIBLIA ¿TLEN TECHILUIA?
Omakiskej itech se apachiuilis
¿Ken omomiaktili tlen amo kuali ipan Tlaltikpak? ¿Ken okiteititi Noé yolmelauak?
AMOCHMEJ UAN AMATLAJKUILOLMEJ
¿Akin tlanauatia nikan Tlaltikpak?
Tlen kijtoua Biblia uelis mitstlajtlachialtis. Ximomachti tleka miak ipati uan ken mitspaleuis satepan.
