OSHITOPOLWA 6
Oshike tatu ilongo kombinga yEyelu Enene lyaNoowa?
Kalunga okwa li a hanagula po aakolokoshi, ihe okwa hupitha Noowa nuukwanegumbo we. Genesis 7:11, 12, 23
Omvula oya puuka noya loko omasiku 40, omutenya nuusiku, nomeya oga siikile evi alihe. Aantu ayehe aakolokoshi oya sile momeya.
Aayengeli aanashipotha oya lundulukile ishewe momalutu gawo gopambepo e taya ningi oompwidhuli.
Mboka ya li monguluwato oya hupithwa. Nonando lwanima Noowa nuukwanegumbo we oya ka sa, Kalunga ote ke ya yumudha opo ya ka kale nomwenyo sigo aluhe.
Kalunga ota ka hanagula po ishewe aakolokoshi nota ka hupitha aayuuki. Mateus 24:37-39
Satana noompwidhuli dhe otaya tsikile nokupukitha aantu.
Aantu oyendji kunena kaye na ko nasha newiliko lyaJehova lyopahole, oya fa owala aantu yopethimbo lyaNoowa. Masiku Jehova ota ka hanagula po aakolokoshi ayehe.—2 Petrus 2:5, 6.
Opu na aantu mboka ya fa Noowa, haya pulakene kuKalunga nohaya longo shoka ta ti. Aantu mboka Oonzapo dhaJehova..
Opu na ishewe uuyelele mbuka
OMBIIMBELI OYI NA ETUMWALAKA LINI?
Aantu mboka ya hupu mEyelu
Uukolokoshi owa li wa taandele ngiini nevi alihe? Noa okwa li u ulike ngiini kutya ye omulumentu omudhiginini?
OMAMBO NUUMBO
Olye lela ta pangele uuyuni?
Eyamukulo okuza mOmbiimbeli otashi vulika li ku kumithe. Tala kutya omolwashike sha simana okukala wu shi eyamukulo nonokutya otali ti shike shi na ko nasha nonakuyiwa.
