RÄ NTHEKE 6
¿Te dä za gä pädihu̱ de näꞌä rä Däta däyꞌe?
Äjuä bi huati nuꞌu̱ yä tsꞌomꞌu̱i jäꞌi, pe bi ñäni rä Noe ꞌne rä familia (Génesis 7:11, 12, 23)
Bi ꞌuäi 40 yä pa ꞌne 40 yä xui. Yä dehe bi goꞌmi gatꞌho rä Xiꞌmhai. Gatꞌho yä tsꞌomꞌu̱i jäꞌi bi du.
Nuꞌu̱ yä tsꞌo e̱nxe̱ bi zopu̱ nuꞌu̱ yä ndoyꞌo de gä jäꞌi. Nubye̱, nuꞌu̱ yä tsꞌo e̱nxe̱ bi tꞌembi yä u̱xjua.
Se̱he̱ nuꞌu̱ bi yu̱tꞌi ha rä arka himbi du. Mäske mꞌe̱fa rä Noe ꞌne rä familia bi du, Äjuä ma dä gu̱tsꞌi de rä du ꞌne ma dä umbi nꞌa rä te pa nzäntho.
Äjuä ma dä huati mänꞌaki yä tsꞌomꞌu̱i jäꞌi, pe ma dä ñäni yä hojäꞌi (Mateo 24:37-39)
Rä Zithu ꞌne yä u̱xjua, sigi hatꞌi yä jäꞌi pa njabu̱ hindä yꞌo̱te Äjuä.
Ja ngu ha yä pa rä Noe, mäpaya ndunthi yä jäꞌi hingi ne dä yꞌo̱te yä tsꞌofo rä Zi Dada Jeoba. Hänge nguntꞌä ma dä huati gatꞌho nuꞌu̱ yä tsꞌomꞌu̱i jäꞌi (2 Pedro 2:5, 6).
Pe ꞌmu̱i rꞌa yä jäꞌi yä yꞌo̱de ja ngu rä Noe, ꞌne pe̱fi näꞌä di mända Äjuä. Geꞌu̱ yä testigo rä Jeoba.
Puede que también le interese
RÄ MÄKÄ TꞌOFO—¿TE MÄ NOYA HUTSꞌI?
Bi bongi de nꞌa rä dängä däyꞌe
¿Hanja bi ñutsꞌi rä Xiꞌmhai ko yä tsꞌomꞌu̱i? ¿Hanja bi ꞌñudi rä Noe ge mi pe̱fi rä bolunta Äjuä?
YÄ MFISTꞌOFO ꞌNE YÄ FOYETO
¿Toꞌo di mända nunä xiꞌmhai?
¿Gi pädi te mää rä Mäkä Tꞌofo? Tini por hanja mähyoni gi pädi, ꞌne te ma dä thogi pa xudi ndämäni.
