Es hott greyyaht fa 40 dawk un 40 necht, un di gans eaht voah unnich’s vassah. Awl di gottlohsa leit sinn kshtauva.

Di engel vo geyyich Gott gedrayt sinn, henn sich funn mensha zrikk zu engel gedrayt. No sinn si veeshti engel, or demons, vadda.

Selli vo in di oahrich voahra sinn nett umgebrocht vadda. Yoahra shpaydah sinn da Noah un sei family kshtauva, avvah Gott zayld si viddah zrikk zu layva bringa mitt di gleyyaheit fa layva fa’immah.

Da Satan un di veeshti engel sinn alsnoch am leit fafiahra.

Jehova veist sei leevi bei uns da vayk sawwa es ma gay sella. So vi’s voah im Noah sei zeit, feel leit heidich’s dawk vella nett heahra vass Gott sawkt. Glei zayld Jehova awl dee vo gottlohs sinn umbringa.—2 Petrus 2:5, 6.

Es hott leit es sinn vi da Noah. Si heicha Gott un doon vass eah sawkt; si sinn Jehova Sei Witnesses.