TUANGA 6
Eaa ta Tatou i Kite Mai mei te Vaipuke Maata?
Kua takore te Atua i te aronga kino, kua akaora mai ra ia Noa e tona pamiri. Genese 7:11, 12, 23
E 40 ra e e 40 po te ua anga, e kua tapokiia te enua katoa e te vai. Mate pouroa te au tangata kino.
Kua akaruke te au angera meameaau i to ratou kopapa tangata e kua riro mai ei au temoni.
Kua ora mai te aronga i roto i te araka. Noatu kua mate a Noa e tona pamiri, ka akatuakaou mai te Atua ia ratou kia ora e tuatau ua atu.
Ka takore akaou te Atua i te aronga kino e ka akaora i te au tangata meitaki. Mataio 24:37-39
Te akavare nei rai a Satani e te au temoni i te au tangata.
Teia tuatau, mei to Noa tuatau rai, e maata tei kopae i ta Iehova ikuikuanga aroa. Kare e roa atu ka takore a Iehova i te aronga kino ravarai.—2 Petero 2:5, 6.
Mei ia Noa rai tetai au tangata. E akarongo ana ratou ki te Atua e e rave ana i tana e tuatua ra; e Au Kite ratou no Iehova.
Ka Reka Katoa Koe i Teia
AU PUKA E TE AU POROUTIA
Koai Tikai te Akatere ra i Teianei Ao?
Ka poitirere koe i te kite i te pauanga a te Pipiria. Akara i te tumu i puapinga ai te reira e te au akameitakianga no te tuatau ki mua.
