PARTI 6
Kosa la arivé dann tan Noé ?
Bondieu la détrui bann méchan, mé li la sov Noé èk son fami (Jenèz 7:11, 12, 23).
La plui la tonbé 40 jour é 40 nuit. De lo la kouv tout la tèr. Tout bann mové moun lé mor.
Bann zanj rebèl la kit la tèr é zot lé devnu bann démon.
Sak lété dann larch lété sové. Lontan apré, Noé èk son fami lé mor. Bondieu va redonn a zot la vi in jour. Zot va viv pou toultan.
Kom li la fé avan, Bondieu va détrui bann méchan é va sov sèk i fé le bien (Matieu 24:37-39).
Satan èk bann démon i arèt pa tronp domoun.
Kom dann tan Noé, koméla in paké domoun i rejèt la diréksion Jéova ki ièm a nou. I tard pa, Jéova va débaras la tèr tout sèk lé mové (2 Pièr 2:5, 6).
Désèrtin lé kom Noé. Zot i ékout Bondieu é i fé sèk li di. Kisa zot i lé ? Sé bann Témoin Jéova.
Agard sa osi…
LIV & BROCHUR
Kisa i komann su la tèr ?
La répons la Bib i pe étonn a ou. Poukoi lé inportan konèt sa é kèl konsékans nora pou la vi plu tar ?
