6 DELO
So sikljovaja taro baro Potop?
O Devel uništingja e lošno manušen ama spasingja e Noe hem leskere familija (1. Mojseeva 7:11, 12, 23)
Dengja bršim 40 dive hem 40 rakja, hem o pani učhargja sa i Phuv. Sa o lošna manuša mule.
O angelija so protivingje pe mukhle po manušikano telo hem ule demonija.
Adala so sine ki arka ačhile dživde. Iako o Noe hem leskiri familija palo nesavo vreme mule, o Devel ka vazdel len taro mule hem ka šaj večno te živinen.
O Devel palem ka uništinel e lošnon a ka spasinel e šukar manušen (Matej 24:37-39)
O Satana hem o demonija panda hovavena e manušen.
Avdive, sar e Noeske ko vreme, but manuša na šunena o sovetija so o Jehova mangipaja dela len. Panda hari o Jehova ka uništinel sa okolen soj lošna (2. Petrovo 2:5, 6).
Nesave manuša tane sar o Noe. Ola šunena e Devle hem kerena adava so ov vakerela lenge; ola tane e Jehovaskere svedokija.
Šaj isto ka interesinel tut
LILA HEM BROŠURE
Koj čače vladinela e sumnalea?
O odgovorija tari Biblija šaj te iznenadinen tut. Dikh soske tano važno akava hem so značinela akava baši tli idnina.
