KHUNDU 6
Tisapfunzanji Kubulukira ku Cigumula Cikulu?
Mulungu afudza anthu akuipa, mbwenye apulumusa Nowa na banjace.—Genesi 7:11, 12, 23
Madzi abvumba mu ntsiku 40 masiku na masikati, madzi anewa adzadzala mu dziko yonsene yapantsi. Anthu onsene akuipa afa.
Aanju adasandukira Mulungu asiya manungo awo aunyama mbakhala mademonyo.
Onsene akhali m’mwadiya apulumuka. Ngakhale kuti mu kupita kwa ndzidzi Nowa na banjace afa, Mulungu anadzaalamusa na cidikhiro cakukhala na umaso wa kwenda na kwenda.
Mulungu anadzafudza pontho anthu akuipa, mbwenye anadzapulumusa anthu adidi.—Mateo 24:37-39
Sathani na mademonyo asapitiriza kunyengeta anthu.
Lero, ninga ntsiku za Nowa, anthu azinji asakhonda citsogolero caufuni ca Yahova. Mwakukhonda dembuka Yahova anadzafudza anthu onsene akuti ndi akuipa.—2 Pedro 2:5, 6.
Anthu anango ndi akulandana na Nowa. Iwo asabvera Mulungu na asacita pinalonga iye; anthu anewa ndi Mboni za Yahova.
Panango Munakomerwa Kudziwa Ipi
MABUKHU & MABRUXURA
Mwandimomwene Mbani Akuonera Dziko?
Matawiro a Bhibhlya anakudzumatirisani. Onani thangwi yanji na pisabvekanji thangwi ya tsogolo yanu.
