BUE 6
Nzueyilɛpiri Ne, Nzu Yeɛ Yesua Yefi Nu Ɔ?
Nyameɛpiri sɛkyele abɔnefoɛ ne, nakoso olelè Nowa ne y’abusua ngoa. 2 Petro 2:5, 6
Nzue ne tɔle ɛlɛburuanna (40) eyia ne kɔngɔen na nzue ne katale aseɛ naso mukoraati. Abɔnefoɛ ne mukoraati wuwule.
Abɔfoɛ atuatefoɛ ne yele sona anwonaen ne guale berɛ na bɛɛyɛle adaemɔne.
Bɛbɔ né bɛwɔ alaka nanu ne nyane ngoa. Owonu kyɛ Nowa ne y’abusua sa wuwule, nakoso Nyameɛpiri kosa kotingye bɛ maa bɛkɔtena ase daa.
Nyameɛpiri kɔsɛkye abɔnefoɛ biekũ na wale teneneefoɛ ngoa. Mateo 24:37-39
Satan ne ye adaemɔne ne tɛ lakalaka mmenia.
Ɛnnɛ̀, mmenia pẽe kyi Yehowa akwangyerɛ bɔ ɔdɔ wɔ nu bɔ ɔfa ma sona ne, kyɛbɔ Nowa berɛsofoɛ ne yɛle nala. Ɔngɔhyɛ, Yehowa kɔsɛkye abɔnefoɛ ne mukoraati.—Luka 17:26, 27.
Mmenia biemɔ wɔ berɛ bɔ bɛte kyɛ Nowa. Betie Nyameɛpiri na bɛyɛ bɔ ɔka kyire bɛ ne; sɔ mmenia ne yeɛ ole Yehowa Adanzefoɛ.
