PISI 6
San wi e leri fu a bigi Frudu?
Gado pori den ogri sma, ma a kibri Noa nanga en osofamiri. Genesis 7:11, 12, 23
Alen ben kon bun tranga 40 dei nanga neti, èn a watra ben tapu heri grontapu. Ala den ogri sma dede.
Den engel di ben trangayesi Gado, gowe libi den libisma skin fu den èn den tron ogri yeye.
Den sma di ben de na ini na ark, tan na libi. Aladi Noa nanga en osofamiri dede te fu kaba, toku Gado o tyari den kon na libi baka èn den o abi a howpu fu libi fu têgo.
Gado o pori den ogri sma baka èn a o kibri den bun sma. Mateyus 24:37-39
Satan nanga den ogri yeye e tan kori sma.
Neleki fa a ben de na ini a ten fu Noa, na so furu sma na ini a ten disi no wani teki a lobi-ati tiri fu Yehovah. Heri esi Yehovah o pori ala den sma di ogri.
Son sma de leki Noa, fu di den e arki Gado èn e du san a taki. Den sma disi na Yehovah Kotoigi.
Kande yu lobi den tori disi tu
SAN NA A BOSKOPU FU BIJBEL?
Libisma e pasa a Frudu libilibi
Fa a du kon taki ogridu ben panya na ala sei fu grontapu? Fa Noa sori taki a ben de wan man di e tan gi yesi na Gado?
BUKU NANGA BROCHURE
Suma e tiri grontapu trutru?
Yu sa breiti nanga a piki di Bijbel e gi. Kon sabi fu san ede a bun fu sabi dati èn sortu howpu yu kan abi.
