Fizaragne 6
Fianaragne Boake amy Ranobey
Nivonovonoen’Andrianagnahare iaby ty ndaty raty fagnahy fa i Noa mirofoko avao ty niavotse. Genesisy 7:11, 12, 23
Nizizike avao i oragney handro halegne tagnate ty 40 andro. Nimate iaby ty ndaty raty fagnahy.
I anjely niova ho ndaty rey niheregne ho anjely indraike. Demonia ty agnara e.
Ze tagnate i sambofiaray ao niavotse. Tafara tatoy ty Noa mirofoko nimate faie hovelomen’Andrianagnahare le mbe hiaigne tsy misy fara e.
Matio 24:37-39
Hagnavotse ty ndaty soa fagnahy ty Andrianagnahare fa hamonovono ty ndaty raty fagnahy.Le mbe mamitake ty ndaty avao ty Satana naho ty demonia.
Manoro o ndatio ty Jehovah faie maro ty tsy mipaoke manahake ty ndaty faha i Noa. Kidikidike avao ty sisa le hovonovonoe i Jehovah iaby ty ndaty raty fagnahy. —2 Petera 2:5, 6.
Amy hinaneke zao misy ndaty manahake i Noa. Mijanjigne naho magnorike ty saontsin’Andrianagnahare iareo. Ia koahe? Ty Vavaolombelo i Jehovah.