Tɔ kakalɔ tanyi 40 la etsho 40 ndo ashi wakalolanɛ lo nkɛtɛ k’otondo.

Anto wa kɔlɔ tshɛ wakavu. Andjelo wakatɔmbɔkɔ wakakolola alemba awɔ wa l’emunyi ko wakakome ɛdiɛngɛ.

Anto waki lo waato wa luudu wakake. Kaanga mbele Nɔa la nkumbo kande wakayovɔka l’ɔkɔngɔ, Nzambi ayowaolola la elongamelo ka vɔ ndjɔsɛna pondjo pondjo.

Satana la ɛdiɛngɛ wekɔ lo ntetemala minganyiya anto.

Oko wakidiɔ lo nshi ya Nɔa, ɛlɔ kɛnɛ anto efula tonaka ɛlɔmbwɛlɔ kaki Jehowa koludi la ngandji. Kema edja, Jehowa ayanga ndanya anto tshɛ wa kɔlɔ.​—2 Petero 2:5, 6.

Anto amɔtshi wekɔ oko Nɔa. Vɔ pokamɛka Nzambi ndo salaka kɛnɛ katande. Anto akɔ ko: Ɛmɛnyi wa Jehowa.