Na‘e ‘uha ‘i he ‘aho ‘e 40 mo e pō ‘e 40, pea na‘e ‘ufi‘ufi ‘e he vaí ‘a e māmaní kotoa. Na‘e mate kotoa ‘a e kakai fulikivanú.

Na‘e tukuange ‘e he kau ‘āngelo angatu‘ú honau ngaahi sino fakakakanó pea nau hoko ko e fanga tēmeniō.

Ko e fa‘ahinga ko ia na‘e ‘i he ‘a‘aké na‘a nau hao. Neongo ko Noa mo hono fāmilí na‘e faifai atu pē ‘o nau mate, ‘e toe fakafoki mai ‘e he ‘Otuá kinautolu ki he mo‘uí fakataha mo e ‘amanaki ‘o e mo‘ui ta‘engatá.

‘Oku hokohoko atu ‘a Sētane mo e fanga tēmenioó ‘i hono takihala‘i ‘a e kakaí.

‘I he ‘ahó ni, hangē pē ko ia ‘i he taimi ‘o Noá, ‘oku taliteke‘i ‘e he tokolahi ‘a e tataki anga-‘ofa ‘a Sihová. ‘E vavé ni ke faka‘auha ‘e Sihova ‘a e fa‘ahinga kotoa ‘oku fulikivanú.​—2 Pita 2:5, 6.

Ko e kakai ‘e ni‘ihi ‘oku nau hangē ko Noá. ‘Oku nau fanongo ki he ‘Otuá pea fai ‘a e me‘a ‘okú ne folofola‘akí; ko kinautolu ia ‘a e Kau Fakamo‘oni ‘a Sihová.